সাৰ পাম মই পুৱতি নিশাতে
নিয়ৰ যেতিয়া সৰে
বাটৰ শুকান ধূলিক সেমেকা
যিটো প্ৰহৰে কৰে
আই মোক জগাবি
আই মোক জগাবি
মই চাব খোজোঁ হেঙুলী বেলিয়ে
এন্ধাৰ কেনেকৈ নাশে
ফুলাৰ মন্ত্ৰ কেনেকৈ সিঁচে
কুসুমৰ কাষে কাষে
উদং বতাহৰ বুকু কেনেকৈ
মিঠা সুবাসেৰে ভৰে
সাৰ পাম মই পুৱতি নিশাতে
নিয়ৰ যেতিয়া সৰে
বাটৰ শুকান ধূলিক সেমেকা যিটো প্ৰহৰে কৰে
আই মোক জগাবি
আই মোক জগাবি
জানিব খুজিছোঁ গোপন মন্ত্ৰ
সৃষ্টিত থকা আই
জানিব খুজিছোঁ কি গীত গালে
শূন্য আঁতৰি যায়
মোৰ মন আছে ফুলি উঠিবৰ
সূৰ্যমুখীৰ দৰে
সাৰ পাম মই পুৱতি নিশাতে
নিয়ৰ যেতিয়া সৰে
বাটৰ শুকান ধূলিক সেমেকা
যিটো প্ৰহৰে কৰে।
